Нова кредитна линија со грант од 15% на ПроКредит Банка и ЕБРД за поддршка на малите и средни претпријатија

Продолжува успешната соработка на ПроКредит Банка и Европската банка за обнова и развој, со проширување на кредитната линија со грант за дополнителни 2 милиона евра за поддршка на малите и средни претпријатија.

ПроКредит Банка, како докажан партнер на бизнисот ќе ги искористи средствата од кредитната линија за своите клиенти, мали и средни претпријатија како поддршка за намалување на негативните ефекти врз бизнисот, предизвикани од Ковид пандемијата, како и за инвестиции и проекти за „зелени технологии“, согласно европските стандарди и регулативи.

„Соработката со ЕБРД и новата кредитна линија со грант, се во линија со нашата корпоративна филозофија и настојувања за придонес во развој на оддржливи бизниси во нашата земја. Ова е уште еден чин на потврда на нашата посветеност кон сегментот на мали и средни претпријатија. Веруваме дека нашите клиенти ќе ја препознаат оваа одлична можност за развој на своите бизнис активности во пост-пандемискиот период, но и за нови инвестиции во „зелени технологии“ кои значат подобра иднина за сите.“, изјави г-ѓа Емилија Спировска, Член на Управен Одбор во ПроКредит Банка.

Една од главните придобивки за малите и средни претпријатија кои ги исполнуваат критериумите за финансирање преку оваа кредитна линија е можноста за грант во висина до 15% од вредноста на доделениот кредит.

Уште од нејзиното осоновање во 2003, ПроКредит Банка е стратешки партнер на ЕБРД во Северна Македонија. ПроКредит Банка е една од најголемите бизнис банки во земјава, со пазарно учество од 25% во сегментот на мали и средни претпријатија, препознаена по иновативните решенија и имиџот на целосно дигитална банка која постојано имплементира нови, напредни технологии.

Повеќе информации за новата кредитна линија може да дознаете на http://pcb.com.mk/.

0 Shares:
You May Also Like
Read More

ДХЛ анкета за онлајн купувачи: 95% од онлајн купувачите го откажуваат купувањето ако нивната посакувана опција за испорака не е достапна

DHL e-Commerce го објави своето прво глобално истражување за онлајн купувачи кое ги покрива главните глобални пазари во…
Read More

Property One Furniture

Дозволете Molto Luce да го трансформира вашиот простор во елегантен и функционален амбиент, креирајќи пријатна атмосфера што ќе…